أعجوبة للعذراء : هكسر الزجاج ولكم التعليق

أعجوبة للعذراء : هكسر الزجاج

         عاوز تعرف لية بنصوم صوم العذراء اضغط علي الصورة

هكسر الزجاج

المعجزة دي حصلت مع بنت اسمها سناء ووالدتها

 في كنيسة العدرا بالزيتون

سناء بنت صغيرة جدا 10 سنوات وقعت من مكان عالى جلها نزيف

امها اخذتها جرى على مستشفى العذراء الزيتون

الدكتور: لازم نقل دم فصيله 0

ام سناء: اتصرف يا دكتور بنتى هتموت

الدكتور: لو تعرفى حد فصيله دمه 0 يبقى يا ريت

الام تبكى على بنتها الوقت بيضيع دخلت جرى عن صورة العدراء

وقفت عن الصورة وهى بتصرخ وقلبها محروق

ام سناء : انت يا عدراء اعملى حاجة

انتى ام حسى بيا؟؟ علشان خاطريسوع ابنك!!!!!!!!!!!؟

انت سمعانى يا عدراء؟؟؟؟ انت فين؟؟؟ سبتنى ليه؟؟؟

مش هى بنتك؟؟؟

وتخبط على الزجاج بتاع البرواز بتاع صورة العذراء

ام سناء : هكسر الزجاج ومش هخش بيتك تانى

انت يا عدراء انتى سمعانى انتى وعياط ودموع

الناس شايفين الموقف و مش قادرين انهم يهدوا ام سناء

وفجاة جات واحدة من المستشفى

الواحدة : انتى يا ست كلمى الدكتور حالا

جريت بسرعة

ام سناء: ايه البنت ماتت؟؟؟؟؟

الدكتور : مش عارف اقولك ايه؟؟

ام سناء : انطق قول

الدكتور: بنتك سبتها فى الغرفة رجعت لقيت ريحة بخور

والبنت ايه؟؟؟؟ مش ممكن؟؟؟

 البنت سليمة راحت الست اللى نادتها من الكنيسة

قالت: روحى صالحى العذراء هى بتحب الشمع

راحت رجعت الكنيسة واشترت شمع كل لما تيجى تولع الشمعة مش عاوز تولع

ام سناء: ايه الحكاية؟؟؟

سناء قالت: ماما العذراء

جاءت ليا فى المستشفى وهى اللى شافتنى وزعلانة منك

علشان انتى قلتى هتكسرى الزجاج

ام سناء: سمحينى يا ام النور

وسجدت قدام الصورة وبكت وندمت على الكلام اللى هى قالته

سناء: ماما .. ماما  الشمعة نورت

طوباكى يا مريم يا امنا

يا امنا العدراء اشفعى فينا