"يرضيك يا سيدنا الامانة تضيع من بيتنا؟ شوفوا البابا عمل اية بعد نياحته فعلا عظيم الله في قديسية

من معجزات البابا بعد النياحة 

تقول فيفان جرجس :-

كانت متشالة عندى امانة و لم اغيًر مكانها ابدا

 و لكن فجأة وقت احتياج اصحاب الامانة لها و طلبها

 دخلنا نجييبها مش لاقيينها ابدا ...

 قلبنا الدينا عليها و دوًرنا فى كل مكان مع العلم ان مكانها لا نغيره
و من كثرة البحث تعبنا جدا و قررنا البحث عنها فى اليوم التالى

 و كان يوم 20 - 3 - 2012

 و مع وصول جسد سيدنا البابا شنودة الى وادى النطرون

 و مع حزننا الشديد و بكائنا الدائم

 وجدت نفسى اطلب منه انى ألاقى الامانة

 و قلت "يرضيك يا سيدنا الامانة تضيع من بيتنا؟

 من فضلك ببركة شفاعتك ساعدنى الاقيها بأى طريقة."

 و نمت باكية لفراق البابا حبيبى و لضياع الامانة منى ,

 لاول مرة فى حياتى تضيع حاجة حد.
و لما صحيت بدأت ادور تانى بمكان دورت فيه اكتر من 4 مرات

 و واثقة ان الحاجة دى مش فيه ولــكــن المفاجاة لقيتها فيه ...

 مش عارفة ازاى و سألت الجميع حد نقلها من مكانها بالليل

 الكل قال لأ و كمان انا نمت متأخرة بعديهم.
رديت الامانة و البابا مرضيش يخذلنى ابدا و استجاب بسرعة

 و بطريقة عجيبة لانى دورت فى المكان اكثر من مرة

 و كنت واثقة انها مش موجودة فيه ...

و ليتمجد اسم الله فى قديسيه